अमेरिकामा एक व्यक्तिले अन्धाधुन्ध गोली चलाउँदा १६ जनाको मृत्यु

एजेन्सी । अमेरिकामा गोलीकाण्डका घटना रोकिएका छैनन् । अमेरिकी सञ्चारमाध्यमका अनुसार लेविस्टन मेनको एक व्यवसायमा भएको गोलीकाण्डमा कम्तीमा १६ जनाको मृत्यु भएको छ ।

दर्जनौं मानिस घाइते भएको खबर छ ।

मिडिया रिपोर्टका अनुसार एक व्यक्तिले अन्धाधुन्ध गोली चलाउँदा कम्तीमा १६ जनाको मृत्यु भएको हो ।

यो संख्या अझै बढ्न सक्ने बताइएको छ । घाइतेमध्ये केहीको अवस्था चिन्ताजनक रहेको मिडिया रिपोर्टमा उल्लेख छ ।

प्रहरीका अनुसार बुधबार राति एक बन्दुकधारीले गोली चलाएको हुन् ।

प्रहरीले आक्रमणकारीको तस्बिर सार्वजनिक गरेको छ । घटनाबारे अनुसन्धान भइराखेको बताइएको छ ।