मुगुको मुन्दुगाउँमा चार जनाको हत्या

मुगु । मुगुको छायाँनाथ रारा नगरपालिका –६ स्थित मुन्दु गाउँमा चार जनाको हत्या भएको प्रहरीले जनाएको छ । जिल्ला प्रहरी कार्यालय मुगुका प्रहरी नायव उपरीक्षक विरेन्द्र थापाका अनुसार धारिलो हतियार प्रहार एकै घरपरिवारका चार जनाको हत्या गरिएको हो । हत्या रातिको समयमा भएको उनले बताए ।

प्रहरीले दिएको जानकारी अनुसार २७ वर्षीया आमा श्रीदेवी बोहरा, ११ वर्षीय छोरा मनोज बोहरा, ७ वर्षीया छोरी अप्सरा बोहरा, ८ वर्षीय रहर बोहराको हत्या गरिएको छ ।

प्रहरीका अनुसार घटनाबारे अनुसन्धान भइरहेको छ ।