काठमाडौँ। ओमानले टि २० विश्वकपमा स्थान बनाएको छ। त्रिवि क्रिकेट मैदानमा भएको खेलमा बहराइनलाई १० विकेटले पराजित गर्दै ओमानले स्थान पक्का गरेको हो।
ओमानले १४.१ ओभरमा सबै विकेट सुरक्षित राख्दै बहराइनले दिएको लक्ष्य प्राप्त गरेको हो। ओमानको लागि काश्यप प्रजापतिले नटआउट ५७ रन र प्रतिक अथावालेले नटआउट ४८ रन जोडेका हुन्।
सुरुमा ब्याटिङ गरेको बराइनले २० ओभरको समाप्तीमा ९ विकेट बनाउँदै १०६ रन जोडेको थियो। बहराइनको लागि सर्वाधिक रन इम्रान अलीले जोडे। उनले २३ बलमा ३० रन जोडेका हुन्। त्यस्तै, अमेर बीन निसारले २६ रन, सर्फराज अलीले २३ रन जोड्दा अन्य ब्याट्सम्यानहरुले दोहोरो अंक जोड्न सकेनन्।
बलिङतर्फ ओमानका आक्विब लियासले ४, सकिल अहमेदल २ तथा विलाल खान, फायज बट र जिसान माकसुदले समान १–१ विकेट लिए।
