एजेन्सी । गएराति भएको च्याम्पियन्स लिगमा बायर्न म्युनिखले गालाटसारेलाई २-१ गोलले पराजित गरेको छ । बायर्नको घरेलु मैदानमा भएको खेलमा बायर्नले कठिन जित हात पारेको हो ।
बायर्नलाई जित दिलाउन ह्यारी केनले दुई गोल गरे । गालाटसारेका लागि बकम्बुले एकमात्र गोल गरे ।
यो जितसँगै बायर्न समुह ए को शिर्ष स्थानमा रहेको छ । समुह चरणका खेलमा अपराजित रहेको बायर्नको १२ अंक रहेको छ । गालाटसारे ४ अंकका साथ तेस्रो स्थानमा रहेको छ ।
त्यस्तै यसै समुहको अर्को खेलमा म्यानचेस्टर युनाइटेडलाई कोपनहेगन क्लबले ४-३ गोलले पराजित गरेको छ ।
कोपेनहेगनका लागि इलयुनोसी, गनक्लेभ्स, लेरागेर र बर्डजीले एकएक गोल गरे । म्यानुका लागि होजुयाण्डले दुई गोल गरे भने ब्रुनो फर्नानडेजले एकमात्र गोल गरे ।
यो हारसँगै म्यानु ३ अंकका साथ चौथो स्थानमा छ । कोपेनहेगन चार अंकका साथ दोस्रो स्थानमा छ ।
