एजेन्सी । इजरायल र हमासबीच जारी युद्ध भएको एक महिनाभन्दा बढी भइसकेको छ । इजरायलले हमासमाथि लगातार आक्रमण गरिरहेको छ ।
यसैबीच इजरायलले ठूलो सफलता हासिल गरेको दाबी गरिएको छ ।
इजरायली सेनाले गाजाको संसद भवन कब्जा गरेको छ ।
यसको तस्विर पनि बाहिर आएको छ ।
इजरायलका रक्षामन्त्री योभ गालान्टले हमासको संसद भवन कब्जा गरेको दाबी गरेका छन् ।
सेनाले सामाजिक सञ्जालमा एउटा तस्विर शेयर गरेको छ, जसमा इजरायली सैनिक हातमा हतियार र इजरायली झण्डा लिएर संसदमा बसेको देखिन्छ ।
अगाडि खाली कुर्सीहरु पल्टिएको देखिन्छ । गाजा सहरको यो संसद भवन विगत १६ वर्षदेखि हमासको नियन्त्रणमा थियो।
इजरायलका रक्षामन्त्री योभ गालान्टले गाजामाथि हमासको पूर्ण नियन्त्रण गुमेको दाबी गरेका छन् । हमासले गाजामा विगत १६ वर्षदेखि कब्जा जमाएको थियो । तर इजरायली आक्रमणका कारण हमासका आतंककारी पराजित भएका छन् ।
रक्षा मन्त्री योभ ग्यालान्टले भने कि हमासका आतंककारीहरू आफ्नो ज्यान बचाउन दक्षिणतिर दौडिरहेका छन्।
रक्षा मन्त्री योभ गालान्टले इजरायली आक्रमणमा हमासले आफ्नो महत्वपूर्ण आधारहरू गुमाएको, जसका कारण गाजामा हमासको पकड कमजोर भएको र गाजा उनीहरुको नियन्त्रणबाट बाहिर गएको बताएका छन्।
संसद भवन कब्जा गरेपछि पूरै गाजा इजरायलको नियन्त्रणमा आउन सक्ने रक्षामन्त्रीले बताएका छन् । उनले संसद भवन कब्जा गरेमा सम्पूर्ण गाजा नियन्त्रण गर्न सजिलो हुने बताए।
