गाजा जाँदै गर्दा कार दुर्घटनामा घाइते युनिसेफ प्रमुखको इजरायल भ्रमण स्थगित

एजेन्सी । युनिसेफका कार्यकारी निर्देशक क्याथरिन रसेल मङ्गलबार गाजा पट्टीको भ्रमणका क्रममा इजिप्टमा भएको कार दुर्घटनामा घाइते भएकी छन् ।

यो दुर्घटनापछि उनले आफ्नो इजरायल भ्रमण स्थगित गरेकी छन् । उनी अपहरण गरिएका बालबालिकाका परिवारलाई भेट्न गएकी थिइन्।

‘युनिसेफका कार्यकारी निर्देशक क्याथरिन रसेल मङ्गलबार गाजा पट्टीको भ्रमणको क्रममा इजिप्टमा कार दुर्घटनामा घाइते भएकी थिइन् र उनको चोटका कारण इजरायलको यात्रा स्थगित गर्नुपरेको थियो’, युनिसेफका प्रवक्ताले जानकारी दिए ।

युनिसेफ मिडिया प्रमुख कर्टिस कुपरले भने, ‘कार रफाह जाने बाटोमा ठूलो खाल्डोमा खसेको थियो । उक्त दुर्घटनामा रसेल घाइते भएपनि उनको चोट भने गम्भीर छैन ।’