एजेन्सी । पहिलो दिन ठूलो नाफा कमाएको सलमान खानको फिल्म टाइगर ३ को कमाईमा विस्तारै उतारचढाव आएको छ । फिल्मले चौथो दिन अहिलेसम्मकै न्यून कलेक्सन गरेको छ । जसका कारण निर्माता र स्टारहरु अलि निराश हुनसक्ने अनुमान गरिएको छ ।
चौथो दिन अर्थात बुधबार भारत र न्युजिल्यान्डबीचको सेमिफाइनल खेल सलमानको टाइगर ३ का लागि सबैभन्दा ठूलो समस्या बन्यो ।
म्याचका कारण सलमानको फिल्म ओझेलमा पारेको हो । जसको प्रत्यक्ष असर फिल्मको कमाईमा परेको छ ।
रिपोर्टका अनुसार फिल्म टाइगर ३ ले चौथो दिन पनि २० करोडको पनि व्यापार गर्न सकेन। सलमानको फिल्मले १८.९८ करोड मात्रै कमाउन सकेको छ । तर, हिजो खेल नभएको भए तथ्याङ्क फरक हुने अनुमान गरिएको छ ।
यो पछिल्लो चार दिनमा टाइगर ३ को सबैभन्दा कम सङ्कलन हो । फिल्मले पहिलो दिन ४४.५ करोडको शानदार ओपनिङ गरेको थियो । सलमानको फिल्मले दोस्रो दिन ५९ करोड र तेस्रो दिन ४४ करोड कमाएको थियो ।
यशराज स्पाई युनिभर्सको फिल्म ‘टाइगर ३’ को कुल कलेक्सन १६६.४८ पुगेको छ । यो फिल्म सबैभन्दा छिटो १५० करोडको आँकडा पार गर्ने फिल्म बनेको छ ।
सलमानको फिल्मले २ दिनमै सय करोडको आँकडा पार गरेको थियो । अबको दुई–तीन दिनमा यो फिल्मले २०० करोडको आँकडा पार गर्नेछ ।
