त्रिभुवन विमानस्थलबाट झण्डै दुई किलो कोकिनसहित भारतीय महिला पक्राउ

काठमाडौँ। त्रिभुवन अन्‍तर्राष्ट्रिय विमानस्थलबाट दुई किलो कोकिनसँगै एक भारतीय नागरिक पक्राउ परेका छन्। कतारको दोहाबाट काठमाडौँ आएका उनलाई प्रहरीले बिहान १० बजे पक्राउ गरेको हो।

पक्राउ पर्नेमा ३२ वर्षीया महिला किमरो साँगी रहेकी छन्। उनी इथोपियाबाट दोहा हुँदै आएकी काठमाडौँ आएकी थिइन्।

उनी भारतको मिजोरोम राज्यकी हुन्। प्रहरीको लागु औषध अनुसन्धान ब्युरोको टोलीले उनलाई पक्राउ गरेको हो। उनको साथबाट प्रहरीले एक किलो नौ सय ७३ ग्राम कोकिन बरामद गरेको छ।

काठमाडौँबाट उनी भुटान जाने तयारीमा थिइन्। प्रहरीले यसबारे थप अनुसन्धान जारी राखेको छ।