लडाकू शिविरमा भ्रष्टाचार गरेको आरोप पूर्वाग्रही, दोषी देखिए जेल जान तयार छुः प्रधानमन्त्री

काठमाडौँ। प्रधानमन्त्री पुष्पकमल दाहाल प्रचण्डले पूर्व लडाकूको शिविरमा भ्रष्टाचार गरेको आरोप पूर्वाग्रही भएको बताएका छन्। संसदमा बिहीबार भएको प्रश्न उत्तरमा बोल्दै प्रधानमन्त्री प्रचण्डले आरोप पूर्वाग्रही भएको बताएका हुन्।

प्रधानमन्त्री प्रचण्डले यो विषयमा कसैले दिएको उजुरीमा दोषी देखिए आफू जेल जान समेत तयार रहेको बताए। उनले पूर्व लडाकू शिविरको भौतिक पूर्वाधार र रासन–पानीका लागि दिएको सम्पूर्ण रकमको अडिट रेकर्ड नै रहेको बताए।

उनले अघि भने, ‘त्यतिबेला गिरिजाप्रसाद कोइराला प्रधानमन्त्री, डा. रामशरण महत अर्थमन्त्री हुनुहुन्थ्यो । उहाँहरुले रुजु गरिसकेको यो विषयलाई राजनीतिक आग्रह पूर्वाग्रहका साथ उठाउने गरेको देख्दा म आफैं अश्चर्यमा परेको छु।’