सुनको भाउमा लगातार नयाँ रेकर्ड

काठमाडौँ। नेपाली बजारमा सुनको भाउले लगातार रेकर्ड बनाइरहेको छ।

नेपाल सुनचाँदी व्यवसायी महासंघका अनुसार बुधबार सुन तोलामा एक लाख १९ हजार ३०० रुपैयाँमा कारोबार भइरहेको छ। यो हालसम्मकै उच्च मूल्य हो। यस्तै तेजाबी सुन तोलामा एक लाख १८ हजार ७५० रुपैयाँमा कारोबार भइरहेको छ।

मंगलबार सुनको भाउ १ लाख १७ हजार ७०० रुपैयाँ र सोमबार एक लाख १७ हजार ४०० रुपैयाँमा कारोबार भएको थियो।

त्यस्तै चाँदीको मूल्य प्रतितोला १ हजार ५२० रुपैयाँ पुगेको छ। अघिल्लो दिनको तुलनामा चाँदीको मूल्य २० रुपैयाँ बढेको हो।