एजेन्सी । चीनमा बालबालिकालाई बिरामी बनाउने रहस्यमय निमोनिया अहिले युरोप र अमेरिकासम्म पुगेको छ । विश्वका ९ वटा देशमा निमोनियाका केसहरू लगातार रिपोर्ट भइरहेका छन् ।
पछिल्लो समय स्विट्जरल्याण्ड र स्वीडेनमा उक्त केशहरु देखिएको छ ।
यसबाहेक भारतसहित पाँचभन्दा बढी देश अलर्ट मोडमा छन् ।
उक्त देशमा यो निमोनियासँग लड्ने तयारी भइरहेको छ।
सबै देशले चीनमा फैलिएको यो रोगसँग सम्बन्धित तथ्याङ्क मागिरहेका छन् ।
तर, चीनले यसलाई सामान्य ब्याक्टेरिया संक्रमण भनेकै छ ।
चीनमा फैलिएको रहस्यमय निमोनियाको प्रकोप क्रमशः बढ्दै गएको छ ।
अहिले यो एसियासँगै युरोप र अमेरिकामा पनि फैलिरहेको छ । पछिल्लो समय युरोपका धेरै देशमा यसको संक्रमण तीव्र गतिमा बढेको छ । यी देशमा पनि धेरै जसो बालबालिकालाई सास फेर्न समस्या हुने गरेको छ ।
ल्यान्सेटले गत हप्ता प्रकाशित गरेको अनुसन्धानका अनुसार अहिलेसम्म स्वीडेनमा माइकोप्लाज्मा निमोनियाका १४५ भन्दा बढी केसहरू रिपोर्ट गरिएका छन्। यसबाहेक स्विट्जरल्याण्डमा पनि १३२ भन्दा बढी केस फेला परेका छन् ।
