एनएसएलमा आज अंक तालिकाको पुच्छारमा रहेका दुई टिम भिड्दै

काठमाडौँ। काठमाडौँमा जारी नेपाल सुपर लिग (एनएसएल)मा आज बिरगञ्ज युनाइटेड एफसीले स्पोर्टिङ इलाम डी मेची फुटबल क्लबसँग प्रतिस्पर्धा गर्दैछ। अंक तालिकाको सबैभन्दा पुच्छारमा  रहेको दुई टिमबीच प्रतिस्पर्धा हुन लागेको हो।

जारी प्रतियोगितामा बिरगञ्जले कुनै पनि खेल जित्न सकेको छैन। बिरगञ्जले ४ खेल खेल्दा दुई खेलमा बराबरी तथा २ खेलमा हार ब्यहोरेर जम्मा २ अंकमात्रै जाड्न सकेको छ।

उता इलामले ५ खेल खेल्दा १ खेलमा जित, १ खेलमा बराबरी र ३ खेलमा हार ब्यहोरेर जम्मा ४ अंक जोडेको छ।

साँझ ५ बजेपछि दशरथ रंगशालामा हुने खेलमा आज दुवै टिम जितको खोजिमा हुनेछन्।