प्रधानमन्त्री प्रचण्ड राज्य व्यवस्था तथा सुशासन समितिको बैठकमा सहभागी

काठमाडौँ । प्रधानमन्त्री पुष्पकमल दाहाल प्रचण्ड संसदीय समितिको बैठकमा सहभागी भएका छन् । एनसेलको शेयर खरिदबिक्री प्रकरणबारे छलफल गर्न प्रधानमन्त्री त्यहाँ पुगेका हुन् ।

राज्य व्यवस्था तथा सुशासन समितिको बैठकमा आज एनसेलको शेयर खरिदबिक्री प्रकरणमा छलफल हुँदैछ ।

एनसेलकै बारेमा छलफल गर्न संसदको राज्य ब्यवस्था समितिसहित अर्थ समिति र लेखा समितिले पनि प्रधानमन्त्रीलाई बोलाउने निर्णय गरेको थियो ।

प्रचण्ड तेस्रो पटक प्रधानमन्त्री भएपछि संसदको समितिमा पहिलो पटक गएका हुन् ।