पाकिस्तानका पूर्वप्रधानमन्त्री नवाज शरीफले खैबर पख्तुनख्वाको मानसेरा क्षेत्रबाट चुनाव लड्ने

एजेन्सी । पाकिस्तानका पूर्वप्रधानमन्त्री नवाज शरीफले खैबर पख्तुनख्वाको मानसेरा क्षेत्रबाट चुनाव लड्ने भएका छन् । उनका ज्वाई क्याप्टेन (रिटायर्ड) मुहम्मद सफदरले बुधबार यो जानकारी दिएका हुन् ।

शरीफकी छोरी मरियम नवाजका पति सफदर मनसेराका बासिन्दा हुन्।

नवाजले बिहीबार अर्थात् आज राष्ट्रिय सभाको ‘एनए १५ मनसेरा–तोरघर निर्वाचन क्षेत्र’बाट उम्मेदवारी दर्ता गर्ने उनले बताए ।

मानसेरा हजारा डिभिजनको हिस्सा हो जुन पाकिस्तान मुस्लिम लीग नवाज (पीएमएल एन) को गढ मानिन्छ। तर, मानसेरा बाहेक पूर्व प्रधानमन्त्री नवाज शरीफले लाहोरबाट पनि चुनाव लड्ने बताइएको छ ।