पूर्वराजा शाहद्धारा रौतहटस्थित महादेव मन्दिरमा पूजाआजा

काठमाडौँ । पूर्वराजा ज्ञानेन्द्र शाहले रौतहटको शिवनगरस्थित महादेव मन्दिरमा पूजाआजा गरेका छन् । शिवनगर चौकबाट पैदल हिँडेर मन्दिरसम्म पुगेर उनले पूजाअर्चना गरेका हुन् ।

सो क्रमामा बाटोको दुवैतर्फ बसेका समर्थकले फूलमाला लगाई स्वागत गरेका थिए । पूर्व राजा शाहले समर्थकको हातबाट माला र पुष्पगुच्छा लिएका थिए । उनले मन्दिरमा पूजा गर्ने क्रममा समर्थकहरूले राजतन्त्रको पक्षमा नारा समेत लगाएका थिए ।

पूर्व राजा केही दिनदेखि सिमरामा बसिरहेका छन् । उनले पुस २८ गते पूर्वराजा सर्लाही बरथहवास्थित मुक्तेश्वर मन्दिर दर्शन गरेका थिए । उनी माघ ४ गते बरियारपुरस्थित गढीमाई मन्दिरमा पूजाका लागि पुग्नेछन् । माघ १३ गते वीरगञ्जस्थित लाल बंगलामा पूर्वराजा शाहलाई अभिनन्दन गर्ने कार्यक्रम छ ।

नागरिक अभिनन्दन र पूजा अर्चनाको औपचारिक कार्यक्रमसंगै पूर्वराजाले सिमरामा अनौपचारिक भेटघाट गर्ने सचिवालयले जानकारी दिएको छ ।