नेदरल्यान्ड्सलाई नेपालले दियो १८५ रनको लक्ष्य

काठमाडौँ । नेपालले नेदरल्यान्ड्सलाई १८५ रनको लक्ष्य दिएको छ ।

कीर्तिपुरस्थित क्रिकेट मैदानमा भएको खेलमा टस जितेर पहिला ब्याटिङ गरेको नेपालले निर्धारित २० ओभरमा ८ विकेट गुमाएर १८४ रन जोड्यो ।

नेपालका आसिफ शेख ४७, गुल्सन झा ३४, कुशल मल्ल २६, रोहित पौडेल २५ र कुशल भुर्तेल २० रन बनाएर आउट भए । दीपेन्द्रसिंह ऐरीले एक रन जोडे भने आरिफ शेखले खाता खोल्न सकेनन् ।

नेदरल्यान्ड्सका टिम भान डर गुटेन, फ्रेड क्लासेन, माइकल लेविट र साइब्रान्ड इंगलब्रेच्टले २–२ विकेट हात पारे ।