त्रिशुलीमा बस खस्दा ६ जनाको मृत्यु, ३५ जनाको उद्धार

काठमाडौँ । त्रिशुली नदिमा बस खस्दा ६ जनाको मृत्यु भएको छ भने ३५ जना यात्रुको उद्धार गरिएको छ ।

कपिलवस्तुबाट काठमाडौँ आउँदै गरेको लु२ख २१२१ नम्बरको बस बिहान ४ बजेतिर धादिङको गजुरी गाउँपालिका–५ घाटबेँसीमा दुर्घटना भएको हो । बसमा ५१ जना यात्रु र चालक रहेको प्रारम्भिक विवरण छ ।

अझै एक महिलासहित ६ जनाको शव फेला परेको छ । ज्यान गुमाउनेको परिचय खुल्न सकेको छैन ।
प्रहरीले बसचालक रुपन्देही लुम्बिनी संस्कृति नगरपालिका–९ का ३८ वर्षीय हरिराम हरिजनलाई प्रहरीले पक्राउ गरेको छ ।