चर्च ब्वाइजले जित्यो झापा गोल्डकपको उपाधि

काठमाडौँ । चर्च ब्वाइज युनाइटेडले छैटौँ झापा गोल्डकपको उपाधि जितेको छ । सशस्त्र प्रहरी बलको एपीएफ क्लबलाई हराउँदै चर्च ब्वाइजले उपाधि जितेको हो ।

बिर्तामोडको डोमालाल रङ्गशालामा सोमबार भएको फाइनलमा खेलमा चर्च ब्वाइजले एपीएफलाई ३–० गोलले हरायो ।

जितसँगै चर्च ब्वाइजले १३ लाख नगद पुरस्कार जितेको छ । साथै, उपविजेता बनेको एपीएफले ७ लाख रुपैयाँ प्राप्त गरेको छ ।