काठमाडौँ । संघीय ससंद्अन्तर्गत पाँचवटा संसदीय समितिको बैठक आज बस्दैछ । बिहिवार अर्थ समिति, उद्योग तथा वाणिज्य र श्रम तथा उपभोक्ता हित समिति, कानुन, न्याय तथा मानव अधिकार समिति, महिला तथा सामाजिक मामिला समिति र विकास, आर्थिक मामिला तथा सुशासन समितिको बैठक बस्न लागेको हो ।
संघिय संसदका बैठक केही दिन नबस्ने भएपछि संसदिय समितिहरु सक्रिय हुन लागेका हुन् । प्रतिनिधिसभाको बैठक १० दिनको लागि स्थगित गरिएको छ भने राष्ट्रियसभाको बैठक एक सातापछि बस्नेछ ।
प्रतिनिधिसभामा प्रि–बजेट अर्थात आगामी बजेटका नीतिगत प्राथमिकता र सिद्धान्तमाथिको छलफल बुधबार सकाएर १० दिनका लागि बैठक रोकिएको हो ।
सभामुख देवराज घिमिरे र संसदका अन्य पदाधिकारी जेनेभा भ्रमणमा जाने भएपछि बैठक रोकिएको हो । प्रतिनिधिसभाको अर्को बैठक चैत १८ गते आइतवार बस्नेछ भने राष्ट्रियसभाको बैठक चैत १५ गते बिहिवार बस्ने जनाइएको छ ।
