कुन क्लबमा अनुबन्ध होलान् त ह्यारी केन ?

एजेन्सी । टोटनहमका स्टार खेलाडीलाई अनुबन्ध गर्न म्यानचेस्टर युनाइटेड र रियल मड्रिडबीच प्रतिस्पर्धा भइरहेको मिडिया रिपोर्टमा उल्लेख छ । उनलाई अनुबन्ध गर्न १०० मिलियन पाउण्ड तिनुपर्ने मिडिया रिपोर्टमा उल्लेख छ ।

यस सिजन गतिलो खेल प्रदर्शन गर्न नसकेको टोटनहम उनलाई अफलोड गर्ने तयारीमा भने छैन ।

हालै प्रशिक्षक एंगी पोस्तेकगलुलाई मुख्य प्रशिक्षकमा अनुबन्ध गरेको टोटनहमले केनलाई क्लबमा नै राख्ने प्रयास गरिरहेको छ ।

तर, उनले क्लब छोड्ने मनस्थिति बनाइसकेको बताइएको छ ।

उनी प्रिमियर लिगमा नै बस्न चाहेको र म्यानुमा जाने सम्भावना बलियो रहेको बताइएको छ । रियल मड्रिडले पनि उनलाई अनुबन्ध गर्न हरसम्भव प्रयास गर्ने बताइएको छ ।