कैलालीमा दिदीबहिनी मृत फेला

काठमाडौँ । कैलालीमा दिदीबहिनी मृत फेला परेका छन् ।

मंगलबार बिहान करिब ७ बजे घोडाघोडी नगरपालिका वडा नम्बर १० ठेबारस्थित घरमा २७ वर्षीया सिमालु चौधरी र उनकी २२ वर्षीया बहिनी इन्द्रा मृत फेला परेका हुन् ।

टिनले छाएको काठको दुई तले कच्ची घरको तल्लो कोठामा दिदीबहिनी मृत फेला परेको जिल्ला प्रहरी कार्यालय कैलालीका डिएसपी कविन्द्र बोहराले जानकारी दिए ।

उनीहरू दुबै जना झुण्डिएको अवस्थामा फेला परेका हुन् । प्रहरी घटनास्थलमा पुगेर अनुसन्धान गरिरहेको छ ।