सातदोबाटोमा ट्रकले ठक्कर दिँदा एक पैदलयात्रुको मृत्यु

काठमाडौँ । सातदोबाटोमा ट्रकले ठक्कर दिँदा एक जना पैदलयात्रीको मृत्यु भएको छ ।

सोमबार मध्यान्ह बाटो काट्ने क्रममा ना ८ छ ७५०६ नम्बरको ट्रकले एक महिलालाई ठक्कर दिएपछि उनलाई पाटन अस्पताल लगिएको थियो । उपचारको क्रममा उनको मृत्यु भएको हो ।

मृत्यु हुनेमा काभ्रेपलाञ्चोक जिल्ला धुलिखेल बस्ने ४० वर्षीय अप्सरा दाहाल रहेकी छन् । उनी ललितपुरको बाँडेगाउँमा आफन्तकोमा जान लागेकी थिइन् ।

प्रहरीले गाडी र चालकलाई नियन्त्रणमा लिएको छ ।