एमालेको सचिवालय बैठक सुरू

काठमाडौँ । नेकपा एमालेको सचिवालय बैठक सुरू भएको छ । पार्टी मुख्यालय च्यासल ललितपुरमा एमालेको सचिवालय बैठक सुरू भएको हो ।

बैठकमा नेपाली कांग्रेससँगको सत्ता समीकरण लगायतका विषयमा छलफल हुने बताइएको छ । नेकपा माओवादी केन्द्रसँगको सत्ता समीकरण तोडेर एमाले कांग्रेससँगको सत्ता साझेदारीमा अघि बढिरहेको बेला एमाले सचिवालय बैठक बसेको हो ।

सोमबार मध्यरात मुलुकका दुई ठूला दल कांग्रेस र एमालेले आलोपालो सरकारको नेतृत्व गर्ने लगायतका विषयमा समझदारी गरेका छन् ।