स्वीडेनमा अन्धाधुन्ध गोली चल्दा एक जनाको मृत्यु, ३ जना घाइते

एजेन्सी । अमेरिकामा लगातार गोलीबारीका घटना भइरहेका बेला युरोपेली देश स्वीडेनमा पनि गोली हानाहान भएको छ ।

स्वीडेनको राजधानी स्टकहोममा अन्धाधुन्ध गोली चलेको हो ।

मिडिया रिपोर्टका अनुसार गोली लागेर १५ वर्षीय बालकको मृत्यु भएको छ भने अन्य ३ जना गम्भीर घाइते भएका छन् ।

प्रहरीले साँझ गोली चलेको जानकारी पाएको थियो ।

दक्षिणी स्टकहोमको स्क्वायर नजिकै गोली चलाइएको प्रहरीले जनाएको छ।

गोली लागेर एक किशोरको मृत्यु भएको थियो भने अन्यलाई अस्पताल लगिएको थियो ।