उपसभामुख रानालाई हटाउने बिषयमा माओवादीको प्रतिवाद

काठमाडौँ । उपसभामुख इन्दिरा राना मगरलाई हटाउने बिषयमा प्रमुख प्रतिपक्ष दल नेकपा माओवादी केन्द्रले प्रतिवाद गरेको छ ।

मंगलबारको प्रतिनिधिसभा बैठकमा बोल्दै माओवादी प्रमुख सचेतक हितराज पाण्डेले उपसभामुखलाई हटाउने सत्ता पक्षको तयारीमा प्रतिवाद गरेको हुन् ।

उनले यथार्थ विषय के हो भनेर स्पष्ट पार्न अनुरोध गरे । ‘उपसभामुख रानालाई पदबाट हटाउने कुरा हेरियो । यो सत्य हो भने माओवादी यसको प्रतिवाद र विरोध गर्दछ‚’ उनले भने।

यस्तै माओवादी सांसद हितबहादुर तामाङले पनि यस विषयमा खबरदारी गरे । उनले भने‚‘हामी खबरदार गर्न चाहान्छौँ यस्ता कदम नचालियोस् ।’