दाङमा काैडा खेल्दै गरेका १७ जना पक्राउ

दाङ । दाङमा काैडा खेलिरहेकाे अवस्थामा १७ जना पक्राउ परेका छन् ।

घोराही उपमहानगरपालिका- १५ अमृत टोलस्थित ठाकुर खनालले पैसाको हारजित हुने गरी जुवाको रुपमा कौडा खेलाई रहेको भन्ने गोप्य सूचनाकाे आधारमा प्रहरीले छापा मारेकाे थियाे ।

जुवाकाे रुपमा कौडा खेलिरहेको अवस्थामा कौडा थान- १६, कौडा खेल्नको लागि भुइँमा ओछ्याएको चेकवाला तन्ना थान- १, एक लाख ५२ हजार ५५ रुपैयाँसहित १७ जना ब्यक्तीहरुलाई नियन्त्रणमा लिई थप अनुसन्धान भइरहेको जिल्ला प्रहरी कार्यालय दाङका प्रवक्ता इश्वर थापाले जानकारी दिए ।