चीनको जवाफी कर नीतिले ट्रम्प आक्रोशित

एजेन्सी । अमेरिकी राष्ट्रपति डोनाल्ड ट्रम्पले अमेरिकाको प्रतिकात्मक करको निर्णयप्रति आक्रोश व्यक्त गरेका छन् ।

चीनले ८४ प्रतिशत करको निर्णय गरेपछि अमेरिकी राष्ट्रपति डोनाल्ड ट्रम्पले चीनसँग थप कठोर बन्ने प्रतिक्रिया दिएका हुन् । संसारका सबै व्यापारिक साझेदारसँग वार्ताको क्रम जारी रहे पनि चीनले अमेरिका प्रति अनादर गर्दै ८४ प्रतिशत प्रतिकात्मक करको निर्णय गरेकाले आफूले १ सय २५ प्रतिशत करको निर्णय गरेको ट्रम्पको भनाइ छ ।

अन्तर्राष्ट्रिय सञ्चार माधयमका अनुसार अमेरिकाको विरुद्धमा प्रतिकात्मक कर लगाउननेविरुद्ध करको दायरा दुई गुणा बढाउँदै लैजाने तथा प्रतिकार नगर्नेसँग वार्ता गर्ने नीति रहेको ट्रम्पले प्रस्ट पारेका छन् । अमेरिकाले ६० देशमा लगाइएको करको स्थगनसँगै चीनमा लगाइएको करको दायरमा अझ वृद्धि गरेको हो ।

चीनको निर्णयले ट्रम्पले कम्पनीहरूलाई अमेरिकामा फर्किन प्रोत्साहन दिइरहेको उनको भनाइ छ । ट्रम्पले आफ्नो देशमा प्रतिकात्मक करको निर्णय नगर्ने सबै देशमा ९० दिनका लागि आफ्नो निर्णय स्थगन गर्ने घोषणा गरेका छन् । ट्रम्पले ९० दिनको स्थगनको निर्णयसँगै आफ्नो नीति प्रस्ट पारेका हुन् ।