सुनचाँदीको मूल्य घट्यो

काठमाडौँ। आज नेपाली बजारमा सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला ५०० रुपैयाँ घटेर कारोबार भएको छ।

आज छापावाल सुन प्रतितोला १ लाख १० हजार ५०० रुपैयाँमा कारोबार भएको छ। बुधबार छापावाल सुन तोलामा १ लाख ११ हजार रुपैयाँमा कारोबार भएको थियो। तेजाबी सुन भने प्रतितोला १ लाख ९ हजार ९५० रुपैयाँमा कारोबार भइरहेको छ।

त्यस्तै, चाँदीको मूल्य प्रतितोला २५ रुपैयाँ घटेर कारोबार भएको छ। चाँदी आज प्रतितोला १ हजार ३६० रुपैयाँमा कारोबार भइरहेको महासंघले जनाएको छ।