विमानस्थलबाट साढे ८ किलो चरेशसहित विदेशी नागरिक पक्राउ

काठमाडौँ। त्रिभुवन अन्तर्राष्ट्रिय विमानस्थलबाट करिब साढे ८ किलो चरेशसहित एक विदेशी नागरिक पक्राउ परेका छन्। पक्राउ पर्नेमा मोल्दोभाका डेनिस कुसेरेवी रहेका छन्।

त्रिभुवन विमानस्थलको प्रस्थान कक्षबाट उनलाई आइतबार प्रहरीले पक्राउ गरेको हो। उनी टर्किस एयरको ७२७ नम्बरको उडानबाट इस्तान्बुलहुँदै स्वीजरल्याण्ड जान लागेका थिए।

उनलाई थप अनुसन्धानका लागि लागुऔषध नियन्त्रण व्यूरो लगिएको छ।