मधेश सरकारबाट बाहिरिने माओवादी केन्द्रको निर्णय

जनकपुरधाम। नेकपा माओवादी केन्द्र मधेस सरकारबाट बाहिरिने भएको छ। मधेस प्रदेस सरकार विस्तार हुन लागेकै बेला माओवादी केन्द्रले भने सरकारबाट बाहिरिने निर्णय गरेको हो।

माओवादी संसदीय दलको बैठकले प्रदेश सरकारबाट बाहिरिने निर्णय गरेको दलका नेता भरत प्रसाद साहले जानकारी दिए। मन्त्रालय भागबण्डामा सहमति हुन नसक्दा माओवादी सरकारबाट बाहिरिने निर्णयमा पुगेको बताइएको छ।

आज मुख्यमन्त्री सरोज कुमार यादवले अचानक सरकार विस्तार गर्न लागेपछि माओवादी केन्द्र असन्तुष्टि जनाउँदै सरकार छाड्ने निर्णय गरेको हो।

मधेसमा माओवादीकी सुनिता यादव उद्योग, पर्यटन, वन तथा वातावरण मन्त्री र रहबर अन्सारी राज्यमन्त्री छन्। माओवादीले थप एक मन्त्रालय मागेको थियो।