सत्ता गठबन्धन पाँच वर्ष नै टिक्छः प्रधानमन्त्री प्रचण्ड

काठमाडौँ। प्रधानमन्त्री पुष्पकमल दाहाल प्रचण्डले सत्ता गठबन्धन पाँच वर्ष नै टिक्ने दाबी गरेका छन्। सोमबार धादिङको आदर्श बहुमुखी क्याम्पस भवन उद्घाटन समारोहमा बोल्दै प्रधानमन्त्री प्रचण्डले सो कुरा बताएका हुन्।

नेपाली कांग्रेस र नेकपा एमालेका दोस्रो तहका नेताहरुबीच नयाँ सत्ता समिकरण बनाउने चर्चा चलिरहेको बेला प्रधानमन्त्री प्रचण्डले भने सो कुरा बताएका हुन्।

अहिलेको गठबन्धन पाँच वर्ष टिक्ने दाबी गर्दै उनले भने, ‘यो सरकारको आयु कति भनेर पनि मिडियामा हुने नहुने, तपाईँहरूले हेर्नुभएको होला, सुन्नुभएको होला। मैले प्रधानमन्त्रीको हैसियतमा गठबन्धनसँग लगातार भएको बैठकहरू र प्रतिपक्षसँग पनि भएको बैठकको आधारमा पाँच वर्ष यो गठबन्धन केही हुनेवाला छैन। हेर्नुहोला।’