ललिता निवास प्रकरणमा थप दुई जना पक्राउ

काठमाडौँ। ललितानिवास प्रकरणमा थप दुई जना पक्राउ परेका छन्। ललितानिवासको जग्गा हडपेको प्रकरणमा अनुसन्धानको लागि प्रहरीले थप दुई जनालाई पक्राउ गरेको हो।

केन्द्रीय अनुसन्धान ब्यूरो (सीआईबी)ले समरजंग कम्पनीका पूर्वअधिकृत रमेशकुमार पोखरेल र नक्कली मोही देवनारायण महर्जनलाई काठमाडौँबाट पक्राउ गरेको हो।

आइतबार ललितानिवास जग्गा प्रकरणकै अनुसन्धानका लागि तीन जना पक्राउ परेका थिए। त्यसअघि ७ जनालाई पक्राउ गरेकामा सर्वोच्च अदालतबाट पहिल्यै निषेधाज्ञाको आदेश लिएका तीन जना छुटेका थिए। यो प्रकरणमा हालसम्म ९ जना ब्यूरोको हिरासतमा छन्।