एजेन्सी । अमेरिकामा पछिल्लो समय लगातार विमान दुर्घटना भएको मिडिया रिपोर्टमा उल्लेख छ ।
एक साताभित्र अमेरिकामा दोस्रो पटक विमान दुर्घटना भएको छ ।
यस पटक अमेरिकाको साउथ क्यारोलिनाको नर्थ मर्टल बिच सहरमा सप्ताहन्तमा एकल इन्जिन भएको विमान दुर्घटना भएको छ ।
जसमा पाँच जनाको मृत्यु भएको छ ।
विमान आइतबार दुर्घटनाग्रस्त भएको र यसको भग्नावशेष नर्थ मर्टल बिचको गल्फ कोर्स नजिकै भेटिएको अधिकारीहरूले बताएका छन्।
गत हप्ता अमेरिकाको क्यालिफोर्नियामा भएको विमान दुर्घटनामा एक यात्रुको मृत्यु भएको थियो ।
जबकि ३ जना घाइते भएका थिए ।
दक्षिणी क्यालिफोर्नियामा उडान भरेको केही समयपछि विमान दुर्घटना भएको थियो ।
यो विमान पनि सानो थियो र जम्मा चार जना सवार थिए । उक्त विमान पार्कमा दुर्घटना भएको थियो ।
यो विमान पार्कमा उल्टो पल्टिएको थियो।
