काठमाडौँ। डिशहोमले मोबाइलमा नै टेलिभिजन हेर्न मिल्ने गरी मोबाइल एप ‘डिशहोम गो’ सार्वजनिक गरेको छ।
हाल सेटटप बक्समा मात्र सीमित टिभी च्यानललाई अब, ओटीटी प्रविधिमार्फत मोबाइल डिभाइसमै उपलब्ध गराउन एप ल्याउन लागेको कम्पनीले जनाएको छ।
डिशहोम गो एपमा १५० भन्दाबढी लाइभ टिभी च्यानल हेर्न सकिन्छ। सात दिनसम्मको क्याचअप सुविधा रहेको एपमा टिभीमा प्रशारण भएका कन्टेन्टहरू हेर्न छुटेमा सात दिन अगाडिसम्मको कन्टेन्ट फेरि हेर्नसकिने सुविधासमेत उपलब्ध हुने कम्पनीले जनाएको छ।
डिशहोमले आफ्ना ग्राहकहरूलाई मात्र उपलब्ध गराइरहेको ‘डिशहोम गो’ मोबाइल एप हाल सम्पूर्ण प्रयोगकर्तालाई निःशुल्क उपलब्ध गराएको छ।
‘डिशहोम गो’ एपमा लाइभ टिभीसँगै स्वदेशी तथा विदेशी चलचित्र, नेपाली भाषामा नागिन, आनन्दी, भाग्य सिन्दुरको जस्ता चर्चित सिरिज, नेपली सिरिज, कार्टुन र अन्य थुप्रै कन्टेन्टहरू हेर्न सकिने कम्पनीले जनाएको छ।
ग्राहकहरूलाई थप मनोरञ्जन प्रदान गर्नका लागि कम्पनीले नयाँ नेपाली सिनेमा, सिरिज तथा अन्य कन्टेन्टहरू पनि थप्दै जाने योजना बनाइरहेको बताएको छ। यो एप गुगल प्ले स्टोर वा एप स्टोरबाट निःशुल्क डाउनलोड गर्न सकिने कम्पनीले जनाएको छ।
