क्यालिफोर्नियाको विमानस्थलनजिकै एउटा सानो विमान दुर्घटना, ६ जनाको मृत्यु

एजेन्सी । अमेरिकाको क्यालिफोर्नियाको विमानस्थलनजिकै एउटा सानो विमान दुर्घटना भएको छ । दुर्घटनाका कारण विमानमा आगलागी हुँदा ६ जनाको मृत्यु भएको छ ।

अमेरिकी संघीय उड्डयन प्रशासनका अनुसार दुर्घटना लस एन्जलसबाट १३० किलोमिटर दक्षिणपूर्वमा रहेको मुरिएटामा बिहान ४ः१५ बजे भएको हो ।

मृतकहरुको अझै सनाखत हुन सकेको छैन । दुर्घटनाको जानकारी प्राप्त हुनासाथ दमकलको टोली घटनास्थलमा पुगेको थियो । यस क्रममा विमानमा लागेको आगो निभाउन १ घण्टाभन्दा बढी समय लागेको थियो ।