प्रतिनिधिसभाको बैठक दुई घण्टापछि सर्‍यो

काठमाडौँ । प्रधानमन्त्री पुष्पकमल दाहाल प्रचण्डको आग्रहमा प्रतिनिधिसभाको बैठक सारिएको छ । एक बजेका लागि तय भएको बैठक प्रधानमन्त्री प्रचण्डको अनुरोधमा सभामुख देवराज घिमिरेले दुई घण्टापछिका लागि सारेका हुन् ।

सभामुख घिमिरेसँग टेलिफोन संवादमा प्रधानमन्त्री दाहालले बैठक सार्न आग्रह गरेका थिए ।  प्रमुख प्रतीपक्षी नेकपा एमालेले अडान नछाडेपछि प्रधानमन्त्रीले कांग्रेस सभापति शेरबहादुर देउवा र एमाले केपी शर्मा ओलीसँग छलफल गरिरहेका छन् ।

प्रधानमन्त्री प्रचण्डले आफूलाई प्रधानमन्त्री बनाउन सरदार प्रितम सिंह पटक–पटक दिल्ली गएको भनेर अभिव्यक्ति दिएपछि प्रधानमन्त्रीको राजीनामाको अडान राख्दै एमालेले संघीय संसदका दुवै सदन अवरुद्ध गर्दै आएको छ ।

यसैबीच राष्ट्रिय सभाको बैठकमा एमालेले अवरोध गरेको छ ।