एजेन्सी । चीनको निजी अन्तरिक्ष कम्पनीले मिथेनबाट चल्ने विश्वको पहिलो रकेट प्रक्षेपण गरेको छ । चीनले एलन मस्कको कम्पनी स्पेसएक्सलाई पनि पछि पारेको छ ।
चीनको निजी एयरोस्पेस कम्पनी ल्यान्डस्पेसले बुधबार बिहान गोबी मरुभूमिमा रहेको जिउक्वान स्याटेलाइट प्रक्षेपण केन्द्रबाट जुक–२ नामक रकेट सफलतापूर्वक प्रक्षेपण गरेको हो ।
यो पूर्ण रूपमा मिथेन र तरल अक्सिजनद्वारा संचालित संसारको पहिलो रकेट बनेको छ।
यस वर्षको सुरुमा अमेरिकाको रिलेटिभिटी स्पेस कम्पनीको टेरान १ र स्पेसएक्स कम्पनीको स्टारशिप मिथेन अक्सिजनबाट चल्ने रकेटहरू पहिलो प्रयासमा कक्षामा पुग्न असफल भएका थिए।
यसअघि चिनियाँ कम्पनीले डिसेम्बर १४ मा जुक–२ नामक रकेट प्रक्षेपण गरेको थियो तर त्यसपछि त्यो कक्षमा पुग्न सकेन ।
तर, बुधबार चीनले दोस्रो प्रयासमा सफलता हासिल गरेको हो ।
