जनमत पार्टीद्वारा केन्द्रीय समिति विस्तार

काठमाडौँ। जनमत पार्टीले केन्द्रीय समिति विस्तार गरेको छ। बिहीबार साँझ बसेको पार्टीको सचिवालय बैठकले केन्द्रीय समिति विस्तार गरेको हो।

बैठकले १७ सदस्यीय सचिवालय, ३९ सदस्यीय कार्यकारिणी समिति, १४ सदस्यीय राजनीतिक समिति र २१६ जनाको केन्द्रीय समिति बनाउने निर्णय गरेको हो।

पार्टीका कोषाध्यक्ष सुरेन्द्रनारायण यादवका अनुसार केन्द्रीय समितिमा अधिकांश नयाँ सदस्य रहेका छन्। यसअघि केन्द्रीय समितिमा रहेका केहीलाई भने सचिवालयमा तानिएको छ।

पार्टीको विधानअनुसार ३५१ सदस्यीय केन्द्रीय समिति बनाउनुपर्नेमा तत्काल २१६ सदस्यीय केन्द्रीय समिति बनाइएको जनमतले जनाएको छ।