बंगलादेशसँगको दोस्रो मैत्रीपूर्ण खेल आज

काठमाडौं । मैत्रीपूर्ण फुटबलका लागि बंगलादेश पुगेको राष्ट्रिय महिला फुटबल टिमले आज घरेलु टोलीसँग दोस्रो मैत्रीपूर्ण फुटबल खेल्दैछ ।

एशियाडको तयारीमा रहेको नेपालले बंगलादेशमा दुई मैत्रीपूर्ण खेल खेल्नेछ । जसअन्तर्गत नेपालले आज दोस्रो खेल खेल्न लागेको हो ।

उक्त खेल राजधानी ढाकाको वीरश्रेष्ठ सहिद सिपाही मोहम्मद मुस्तफा कमल स्टेडियममा नेपाली समयअनुसार साँझ सवा पाँच बजेबाट सुरु हुनेछ ।

नेपाली टिमलाई प्रशिक्षक अनन्तराज थापाले नेतृत्व गरेका छन् । बिहीबार भएको पहिलो मैत्रीपूर्ण खेलमा नेपालले बंगलादेशसँग १–१ गोलको बराबरी खेलेको थियो ।

नेपालका लागि सावित्रा भण्डारीले अन्तिम समयमा नेपालको तर्फबाट बराबरी गोल फर्काएकी थिईन् ।