एजेन्सी । रुस–युक्रेन युद्ध चलेको १७ महिनाभन्दा बढी भइसकेको छ । उत्तर एट्लान्टिक सन्धि संगठनले युक्रेनलाई युद्ध सामग्रीको निर्बाध आपूर्ति जारी राख्ने निर्णय गरेको छ। तर, नेटोले तत्काल रुसबाट युक्रेनलाई आफ्नो संगठनको सदस्य बनाउन अस्वीकार गरेको छ।
युक्रेनले सदस्य बन्नका लागि आवश्यक सर्तहरू पूरा गर्नुपर्छ र यो युद्ध समाप्त हुनुअघि हुन सक्दैन भन्ने नेटोले जनाएको छ।
यसैबीच अमेरिकाले युक्रेनलाई क्लस्टर बम उपलब्ध गराएर नयाँ विवाद सिर्जना गरेको छ ।
अमेरिकाको यो कदमपछि रुस आक्रोशित भएको छ ।
रुसले चेतावनी दिदै भनेको छ,‘यदि जेलेन्स्कीले गल्तीले पनि क्लस्टर बम प्रयोग गरे भने अर्को ठुलो उत्पात हुनेछ । रसियासँग क्लस्टर बमको भण्डार रहेको छ ।’
रुसी राष्ट्रपति भ्लादिमिर पुटिनले आइतवार रुससँग क्लस्टर बमको भण्डार रहेको बताएका हुन्।
युक्रेनले विवादास्पद हतियार प्रयोग गरेमा ‘बदला लिने अधिकार’ रहेको उनले चेतावनी दिए।
यसले युक्रेनका जनतामा त्रास फैलाएको छ ।
हाल युक्रेनी जनताको जीवनमा ठूलो खतरा छ ।
के होल क्लस्टर बम ?
क्लस्टर बमहरू अत्यन्त खतरनाक हुन्छन्। यसलाई रुस वा युक्रेन जुनसुकै तर्फबाट प्रयोग गरियो भने मानवताको ठूलो विनाश निश्चित छ ।
क्लस्टर बमलाई परमाणु बमपछिका अन्य खतरनाक बमहरूमा गनिन्छ। यस भित्रबाट हजारौं साना बमहरू निस्कन्छन्, जसले लक्षित स्थानमा ठूलो विनाश निम्त्याउँछ। यसअघि पनि क्लस्टर बम प्रयोग गरेर ठूलो संख्यामा मानिसको मृत्यु भइसकेको छ ।
यही कारणले गर्दा धेरै देशले क्लस्टर बमको प्रयोग नगर्ने गरेका छन् । अमेरिकी राष्ट्रपति जो बाइडेनले गत हप्ता अन्तिम निर्णय गर्नु अघि अमेरिकी नेताहरूले महिनौंसम्म यो विवादास्पद मुद्दामा छलफल गरेको बताए।
युक्रेनले तिनीहरूलाई सघन जनसंख्या भएको क्षेत्रबाट टाढा प्रयोग गर्ने वाचा गरेको छ।
