एलओडीका म्यानेजरसहित दुई जना पक्राउ

काठमाडौँ। ठमेलको एलओडी क्लबका म्यानेजरसहित दुई जना पक्राउ परेका छन्। नाबालिगलाई क्लबमा प्रवेश गराएको आरोपमा उनीहरु पक्राउ परेका हुन्।

जिल्ला प्रहरी परिसर काठमाडौँले क्लबका म्यानेजर सहदेव सेढाई र रिसेप्सनिस्ट सपना ढुंगानालाई असार २६ गते पक्राउ गरेको हो। पक्राउ परे पनि ढुंगानालाई जिम्मा जमानीमा छाडिएको छ। सेढाई अहिले पनि प्रहरी हिरासतमै छन्।

यसअघि प्रहरीले एलओडीका सञ्चालकहरू रूदिलबल्लभ श्रेष्ठ र राजु सिंह सुवाललाई पक्राउ गरेको थियो। तर सरकारी वकिल कार्यालयले छाड्न आदेश दिएपछि उनीहरू असार २८ गते छुटेका थिए।