अष्ट्रेलियामा लक्ष्मी पूजा १ नोभेम्बरमा हुने

सिड्नी । यस वर्ष नेपालको भन्दा अष्ट्रेलिया तथा न्युजिल्यान्डमा लक्ष्मी पूजाको मिति फरक परेको छ । लक्ष्मी पूजा पर्व तिथि परक पर्व हो तिथि घटबढ भएका कारण यस्तो हुनगएको भनि अन्तरार्ष्ट्रिय पञ्चाङ्ग निर्णय समितिले विज्ञप्ति जारी गरेको छ ।

त्यसो त नेपाल र अष्ट्रेलियाको समय केहि घण्टाको फरक परेता पनि यस प्रकारका पर्वहरु तिथिका आधारमा मनाउनु पर्ने हुँदा यस बर्ष अष्ट्रेलियामा कार्तिक १६ गते शुक्रबार अर्थात १ नोभेम्बर शुक्रबार मात्र सन्ध्याकालीन औशी तिथि परेको हुँदा १ नोभेम्बर शुक्रबार का दिन लक्ष्मी पुजा गर्नुपर्ने हुन्छ ।

नेपालमा भने १६ गते सन्ध्याकालमा औशी तिथि नभएको हुनाले १५ गते बिहिबार ३१ अक्टोबर २०२४ कै दिन लक्ष्मी पुजा गर्नुपर्ने भन्दै अन्तर्राष्ट्रिय पञ्चाङ्ग निर्णय समितिले प्रमाण र जानकारी गरेको हुँदा दिपावलीको हार्दिक मङलमय शुभकामना व्यक्त गर्दै सबैले यस अनुरुप कार्य गर्न–गराउनुहुन अन्तरार्ष्ट्रिय पञ्चाङ्ग निर्णय समितिले अनुरोध गरेको छ ।