काठमाडौँ। नेपालका लागि जीडब्लुएम सवारी साधनको एकमात्र आधिकारिक आयातकर्ता र वितरक भीजी इम्पेक्स प्रालि र एभरेष्ट बैंक लिमिटेडबीच वित्तीय कारोबारसम्बन्धी सम्झौता भएको छ।
सम्झौता पत्रमा कम्पनीका भाइस प्रेसिडेन्ट रुपेश शर्मा भट्ट र एभरेष्ट बैंकका उपमहाप्रबन्धक गौरवकुमारले हस्ताक्षर गरे।
सम्झौतासँगै आईसीई सवारी साधनहरु हाभल जोलायन, हाभल एच ६, पावर र विङ्गल र इलेक्ट्रिक गाडी ओरा ०३ लगायतका विभिन्न प्रकारका सवारी साधनहरू खरिदमा बैंकले वित्तीय सुविधा उपलब्ध गराउने छ।
जीडब्लुएमका सवारी साधन खरिद गर्न चाहने ग्राहकलाई सहज रिटेल फाइनान्सिङ अनुभव प्रदान गर्ने उद्देश्यका साथ यो सहकार्य गरिएको कम्पनीले बताएको छ।
यसले ग्राहकलाई प्रतिस्पर्धी ब्याजदरहरू, डाउन पेमेनट र कर्जा अवधि सहित विभिन्न प्याकेजहरू उपलब्ध गराउने लक्ष्य राखेको छ, जुन ग्राहहरुले आफ्नो आवश्यकताहरुको आधारमा छनोट गर्न सक्छन्।
एभरेष्ट बैंकले अधिकतम ७ वर्षको अवधिका लागि उत्कृष्ट ब्याजदरसहितको अधिकतम ८० प्रतिशत ऋण उपलब्ध गराउने छ। ३ वर्षसम्मको कर्जा अवधिका लागि, न्यूनतम प्रभावकारी ब्याजदर १०.८० प्रतिशत रहनेछ।
जीडब्लुएमका इलेक्ट्रिक गाडीका लागि ब्याजदर मात्र २.०० प्रतिशत (११.३ प्रतिशतको प्रभावकारी ब्याज दर) रहनेछ।
जीडब्लुएमका आईसी मोडेलको गाडीका लागि ब्याजदर मात्र २.५० प्रतिशत (११.८ प्रतिशतको प्रभावकारी ब्याज दर) रहनेछ।
जीडब्लुएमका इलेक्ट्रिक गाडीको लोन–टु–भ्यालु (लोन–टु–भ्यालु/बैंक फाइनान्स) मा ५० प्रतिशतसम्मको लगानीमा ब्याजदरमा थप ०.५० प्रतिशत छुट उपलब्ध गराइने छ। सबै गाडीका लागि कर्जा प्रशोधन शुल्क स्वीकृत कर्जाको मात्र ०.५० प्रतिशत निर्धारिण गरिएको छ।
ग्राहकले अटो कर्जाका लागि आवश्यक कागजातहरू सहित नजिकैको एभरेष्ट बैंक शाखामा गएर आवेदन दिन सक्नेछन्। निर्धारित केही व्याजदरमा शर्तहरु लागू हुने कम्पनीले जनाएको छ।
