हिमालय एयरलाइन्सले काठमाडौँ–छिङ्डाओ उडान सुरु गर्ने

काठमाडौँ हिमालय एयरलाइन्सले काठमाडौँबाट चीनको छिङ्डाओमा सिधा उडान सुरु गर्ने भएको छ। आइतबार त्रिभुवन अन्तर्राष्ट्रिय विमानस्थलमा पत्रकार सम्मेलन गर्दै एयरलाइन्सले यसबारेमा जानकारी गराएको हो।

पत्रकार सम्मेलनमा संस्कृति, पर्यटन तथा नागरिक उड्डयनमन्त्री सुदन किराँती, नेपालका लागि चिनियाँ राजदुत छन् सोङ लगायतको उपस्थिति रहेको थियो।

पत्रकार सम्मेलनमा बोल्द मन्त्री किराँतीले चीनको छिङ्डाओमा सिधा उडान भर्न लागेको खुसी व्यक्त गरे। उनले उक्त विमानस्थल बिआरआई परियोजनाको भूमि भएको नाताले महत्त्वपूर्ण रहेको बताए।

उनले धेरै चिनियाँ नागरिकलाई पाहुनाको रुपमा नेपाल भित्र्याउनसके र ग्रामिण संस्कृतिको जरासम्म पुर्‍याउन सके पर्यटन क्षेत्रमा नयाँ गन्तव्य बन्ने पनि बताए।