१० अंकले बढ्यो नेप्से

काठमाडौँ। आइतबार नेप्से परिसूचक १०.२३ अंकले बढेर बन्द भएको छ। नेप्से ०.५२ प्रतिशतले बढेर १९४२.६८ विन्दुमा बन्द भएको हो।

आज कारोबारमा आएका १३ समूहगतमध्ये हाइड्रोपावर समूहको परिसूचक घटेको छ। यो समूहको परिसूचक ०।१४ प्रतिशतले घटेको छ।

यस दिन एक अर्ब सात करोड रूपैयाँको सेयर कारोबार भएको छ। २७६ धितोपत्रको ४३ लाख १४ हजार ४१७ कित्ता खरिद–बिक्री भएको छ।

सूर्योदय वमी लघुवित्त वित्तीय संस्थाको सेयर मूल्य सर्वाधिक वृद्धि भएको छ। यो कम्पनीको सेयर मूल्य प्रतिकित्ता ६० रुपैयाँ अर्थात् १० प्रतिशतले वृद्धि भएको हो। यसको सेयर मूल्य प्रतिकित्ता ६६० रुपैयाँ कायम भएको छ।

कारोबारमा आएका धितोपत्रमध्ये हिमाल दोलखा हाइड्रोपावर कम्पनी लिमिटेडको कारोबारले सबैभन्दा बढी हिस्सा ओगटेको छ। यो कम्पनीको आठ करोड ५६ लाख रुपैयाँको सेयर कारोबार भएको नेपाल स्टक एक्सचेन्जले जनाएको छ।