सुन र चाँदीको भाउले फेरि बनायो नयाँ रेकर्ड

काठमाडौँ। आज सोमबार सुनको भाउले रेकर्ड बनाएको छ। आज तोलामा सुन १ लाख १७ हजार ४ सय रुपैयाँमा पुगेको छ। यो अहिलेसम्मकै उच्च हो ।

कात्तिक १२ गते सुनको भाउ बढेर तोलामा १ लाख १७ हजार रुपैयाँमा पुगेको थियो। सुनको भाउ हिजो भन्दा आज तोलामा पाँच सय रुपैयाँले महँगो भएको हो। हिजो तोलामा सुन १ लाख १६ हजार ९ सय रुपैयाँ थियो।

अन्तर्राष्ट्रिय बजारमा नै सुनको भाउ बढेकाले नेपाली बजारमा पनि भाउ बढेको नेपाल सुन चाँदी व्यवसायी महासङ्घको भनाई छ।

यस्तै, चाँदी पनि आज भाउ बढेर तोलाको १ हजार ५ सय रुपैयाँमा पुगेको छ। चाँदीको भाउ पनि अहिलेसम्मकै महँगो हो।