सुनको भाउ २ हजार ८०० सयले बढ्यो

काठमाडौँ। नेपाली बजारमा आज पनि सुनको मूल्य बढेको छ।

नेपाल सुनचाँदी व्यवसायी महासंघका अनुसार आज पनि सुन तोलामा २८ सय रुपैयाँले बढेको छ। महासंघले हिजोको तुलनामा आज सुनको मूल्य २ हजार ८०० रुपैयाँले बढेको हो।

यो सँगै आज छापावाल सुनको मूल्य तोलामा १ लाख १८ हजार ८०० रुपैयाँ कायम भएको छ ,भने तेजाबी सुनको मूल्य १ लाख १८ हजार २५० रुपैयाँ कायम छ। हिजो छापावाल सुनको मूल्य तोलामा १ लाख १६ हजार र तेजाबी सुनको मूल्य १ लाख १५ हजार ४५० रुपैयाँ कायम थियो।

त्यस्तै आज चाँदीको मूल्य पनि बढेको छ। महासंघका अनुसार आज चाँदीको मूल्य तोलामा ५५ रुपैयाँले बढेको छ। हिजो चाँदीको मूल्य १४ सय रुपैयाँ प्रतितोला थियो। जुन, आज १४ सय ५५ रुपैयाँ कायम भएको छ।