Techie IT
२०८० फागुन १८, शुक्रबार
NepaliPatra logo
गृहपृष्ठअर्थलुम्बिनी प्रदेशमा विकास बजेट खर्च १५ प्रतिशत मात्रै

लुम्बिनी प्रदेशमा विकास बजेट खर्च १५ प्रतिशत मात्रै


दाङ । लुम्बिनी प्रदेशमा १५ प्रतिशत मात्रै विकासे बजेट खर्च भएको छ । प्रदेश सरकारले चालु आर्थिक वर्ष २०८०/०८१ को पुस मसान्तसम्मको अवधिमा विकास बजेट १५ प्रतिशत मात्रै खर्च भएकाे हो । चालु आर्थिक वर्षको पुस मसान्तसम्म १५ दशमलव ८५ प्रतिशत पूँजीगत बजेट खर्च भएको प्रदेश लेखा नियन्त्रक कार्यालय राप्ती उपत्यका देउखुरीले जानकारी दिएको हाे ।

कार्यालयका अनुसार पुँजीगततर्फ २३ अर्ब २५ करोड ६९ लाख एक हजार बजेटमा तीन अर्ब ६८ करोड ५३ लाख ८५ हजार एक सय ५२ रुपैयाँ ८९ पैसा खर्च भएको छ । चालुतर्फ २२ दशमलव ०८ प्रतिशत बजेट खर्च भएको छ । चालुतर्फ १७ अर्ब २२ करोड २७ लाख ९९ हजार बजेट रहेकोमा तीन अर्ब ८० करोड २१ लाख ८२ हजार तीन सय १७ रुपैयाँ ३७ पैसा खर्च भएको छ ।

लुम्बिनी प्रदेश सरकारको चालु र पुँजीगततर्फको खर्च १८ दशमलव ५० प्रतिशत भएको छ । प्रदेश सरकारले चालु आर्थिक वर्षका लागि ४० अर्ब ४७ करोड ९७ लाखको बजेट विनियोजन गरेको थियो ।

प्रदेश सरकारको चालु आवको बजेट गत आवको भन्दा दुई अर्ब १६ करोड कम छ । चालु आर्थिक वर्षको पुस मसान्तसम्म सात अर्ब ४८ करोड ७५ लाख ६७ हजार चार सय ७० रुपैयाँ २६ पैसा खर्च भएको प्रदेश लेखा नियन्त्रक कार्यालयले जानकारी दिएको छ ।

कार्यालयका अनुसार प्रदेशसभाको चालुतर्फ ३० दशमलव ८६ र पुँजीगततर्फ १२ दशमलव ७० प्रतिशत खर्च भएको छ । प्रदेश लोक सेवा आयोगको चालुतर्फ २३ दशमलव ६४ र पुँजीगततर्फ १४ दशमलव ०२ प्रतिशत बजेट खर्च भएको छ । प्रदेश योजना आयोगको चालुतर्फ २१ दशमलव २९ प्रतिशत खर्च भएको छ भने पुँजीगततर्फ १ दशमलव ११ प्रतिशत बजेट खर्च भएको छ ।

अर्थ विविधतर्फको कुनै पनि बजेट खर्च भएको छैन । स्थानीय तह निकासातर्फ चालु शीर्षकअन्तर्गत २८ दशमलव ९२ प्रतिशत बजेट खर्च भएको छ । स्थानीय तहमा जाने बजेट चालु शीर्षकअन्तर्गत जाने गरेको छ । जुन चालु तथा पुँजीगतमा खर्च हुन्छ । यता लुम्बिनीको मन्त्रालयगतरुपमा हेर्दा पनि खर्च सन्तोषजनक देखिएको छैन । मुख्यमन्त्री तथा मन्त्रिपरिषद् कार्यालयको चालुतर्फ ५ दशमलव २१ प्रतिशत खर्च भएको छ भने पुँजीगततर्फ ० दशमलव १० प्रतिशत मात्रै खर्च भएको छ । अर्थ मन्त्रालयको चालुतर्फ २२ दशमलव १९ प्रतिशत र पुँजीगततर्फ ९ दशमलव ४९ प्रतिशत बजेट खर्च भएको छ । उद्योग पर्यटन तथा यातायात व्यवस्था मन्त्रालयको चालुतर्फ १९ दशमलव ९० प्रतिशत र पुँजीगततर्फ २ दशमलव ५० प्रतिशत खर्च भएको छ ।

कृषि तथा भूमि व्यवस्था मन्त्रालयको चालुतर्फ १८ दशमलव ३९ र पुँजीगततर्फ ९ दशमलव ६३ प्रतिशत बजेट खर्च भएको छ । गृह मन्त्रालयको चालुतर्फ ३७ दशमलव ६८ प्रतिशत र पूँजीगत ३२ दशमलव ४५ प्रतिशत बजेट खर्च भएको छ । वन तथा वातावरण मन्त्रालयको चालुतर्फ २९ दशमलव ५५ प्रतिशत र पुँजीगततर्फ १० दशमलव ३३ प्रतिशत बजेट खर्च भएको छ । प्रदेश लेखा नियन्त्रक कार्यालयले दिएको जानकारी अनुसार भौतिक पूर्वाधार विकास मन्त्रालयको चालुतर्फ ३४ दशमलव ५० प्रतिशत र पुँजीगततर्फ १२ दशमलव २४ प्रतिशत बजेट खर्च भएको छ ।

खानेपानी ग्रामीण तथा शहरी विकास मन्त्रालयको चालुतर्फ ३० दशमलव ०१ प्रतिशत र पुँजीगततर्फ २० दशमलव ०८ प्रतिशत बजेट खर्च भएको छ । सामाजिक विकास मन्त्रालयको चालुतर्फ १८ दशमलव १७ प्रतिशत र पुँजीगततर्फ ११ दशमलव ०८ प्रतिशत बजेट खर्च भएको छ । स्वास्थ्य मन्त्रालयको चालुतर्फ २९ दशमलव १५ प्रतिशत र पुँजीगततर्फ ४१ दशमलव १६ प्रतिशत बजेट खर्च भएको छ ।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

जुवातास खेलिरहेको अवस्थामा ९ जना पक्राउ

पोखरा । पोखरा महानगरपालिका– ५ जिरो किमीस्थित धौलागिरी आगमन रेष्टुरेन्ट एण्ड लजमा जुवातास खेलिरहेको अवस्थामा सोही महानगरपालिका–५ प्रस्याङ बस्ने म्याग्दी

अर्थतन्त्रका सूचक सकारात्मक देखिन थालेका छन्ः अर्थमन्त्री

बागलुङ । नेपाल सरकारका अर्थमन्त्री डा. प्रकाशशरण महतले देशको अर्थतन्त्र विस्तारै लयमा फर्किन थालेको बताएका छन् । उनले आफूलाई नभई

सुनचाँदीको भाउ बढ्यो

काठमाडौँ । आज नेपाली बजारमा सुनको भाउ बढेको छ । सुनको भाउ तोलामा ८०० रुपैयाँले बढेको हो । नेपाल सुनचाँदी

सदनमा उठेका विषयबारे जवाफ दिन सरकारलाई सभामुखको रुलिङ

काठमाडौँ । प्रतिनिधिसभाका सभामुख देवराज घिमिरेले सदनमा सांसदहरुले उठाएका प्रश्न र जिज्ञासाको जवाफ दिन प्रधानमन्त्री पुष्पकमल दाहाल प्रचण्डलाई निर्देशन दिएका

मोरङको बेलबारीमा भएको सडक दुर्घटनामा मृत्यु हुनेको संख्या ३ पुग्यो

काठमाडौँ । पूर्वपश्चिम राजमार्गअन्तर्गत मोरङको बेलबारी सडकखण्डमा शुक्रबार बिहान भएको सवारी दुर्घटनामा परी मृत्यु हुनेको सङ्ख्या तीन पुगेको छ ।

संघीय संसद्अन्तर्गत आज दुवै सदनको बैठक बस्दै

काठमाडौँ । संघीय संसद्अन्तर्गत आज दुवै सदन (प्रतिनिधिसभा र राष्ट्रिय सभा)को बैठक बस्दैछ । प्रतिनिधिसभाको बैठक बिहान ११ बजेका लागि

Techie IT