काठमाडौं । नेपालको सबैभन्दा ठूलो भुक्तानी नेटवर्क ‘फोने पे’ले महिला वित्तीय समावेशीकरण र आत्मनिर्भरता प्रवर्द्धन गर्न ‘सक्षम नारी’ अभियान ल्याएको छ ।
अभियानमार्फत ‘फोने पे’ले आर्थिक वृद्धि र समृद्धिमा नारीको निर्णायक भूमिकालाई डिजिटल भुक्तानीका माध्यमबाट सशक्त बनाउन खोजेको बताएको छ ।
फोन पेले नबिल र सानिमा बैंकसँगको सहकार्यमा यो अभियान सुरु गरेको हो । माघ २६ गतेदेखि सुरु भएको अभियान फागुन २८ गतेसम्म चल्ने कम्पनीले जनएको छ । अभियानमा नबिल र सानिमा बैंकका महिला प्रयोगकर्ता सहभागी हुन सक्नेछन् ।
सहभागी हुन आफ्नो मोबाइल बैंकिङ एपमार्फत अभियान अवधिभर फोन पे क्यूआर, फोन पे डाइरेक्ट र फोन पे बिल प्रयोग गरी कम्तीमा तीन वटा कारोबार गर्नुपर्ने हुन्छ । अभियानको मापदण्ड पूरा गरेपछि नबिल बैंकका एक महिला प्रयोगकर्ताले बालाजी डायमन्डबाट उत्कृष्ट हिरा सेट पाउने फोन पेले जनाएको छ ।
यस्तै, सानिमा बैंक र नबिल बैंकका एक सय महिला प्रयोगकर्ताले एक हजार रुपैयाँको निश्चित टप–अप जित्नेछन् । फोनपेका प्रमुख रणनीतिक अधिकृत सुबोध शर्माले सक्षम नारी अन्य नियमित अभियान भन्दा फरक रहेको बताए । उनले यो अभियान महिलाहरूलाई प्रविधि अपनाउन प्रोत्साहित गर्ने पहल भएको बताएका छन् ।
