सुनको मूल्य स्थिर

काठमाडौँ । आज नेपाली बजारमा सुनको मूल्य स्थिर रहेको छ । नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला १ लाख ३९ हजार ३०० रुपैयाँमा कारोबार भएको हो ।

गत शुक्रबार पनि छापावाल सुन यही मूल्यमा कारोबार भएको थियो । आज तेजाबी सुन प्रतितोला एक लाख ३८ हजार ६५० रुपैयाँमा कारोबार भएको छ ।

त्यस्तै, चाँदी प्रतितोला १ हजार ७४० रुपैयाँमा कारोबार भएको छ । शुक्रबारको तुलनामा चाँदीको मूल्य तोलामा २० रुपैयाँ वृद्धि भएको हो ।